尋夢新聞LINE@每日推播熱門推薦文章，趣聞不漏接❤️
【敗犬女王】女人40不用怕！ TVB40+女星個個保養得宜
41歲台灣女星楊謹華因09年拍攝電視劇《敗犬女王》紅遍兩岸三地，更獲得「敗犬女王」封號。喺前日，佢宣布同拍拖3年嘅富商男友Ben登記結婚，擺脫「敗犬女王」封號！雖然成日聽到人講「女人青春有限」，但其實香港娛樂圈都有唔少年過40至今未嫁嘅女星，佢哋個個保養得宜、風韻猶存，今日就同大家數下有邊位女筍盤啦！
佘詩曼（43歲）
「七魔女」成員之一佘詩曼（阿佘），至今仍然單身。入行已經22年，佢自言從未缺過愛情，亦唔心急封盤，佢更加唔會覺得因為自己年齡問題而「為嫁而嫁」。阿佘更表示隨住年齡增長，自己已經以快樂行先，唔做委屈自己嘅事，亦都唔排除遇到啱嘅人而閃婚。
邵美琪（53歲）
「凍齡女神」邵美琪（Maggie）曾經有6段感情都未能開花結果，而最為人知一定系同鄭伊健嘅一段情。Maggie最值得令人欣賞嘅系雖然佢每段情分手後都會過得傷心，但佢從來冇因為咁而對住傳媒講過舊愛嘅一句壞話。既有美貌又厚道嘅Maggie，真心希望佢快啲揾到自己真愛。
張可頤（48歲）
曾系無線花旦，好多都劇集都有佢做女一。6年前離巢過檔港視做一姐，可頤近年更於內地、馬來西亞、檳城等唔同地方發展。佢更表示如果無線有意想佢回巢，只要時間配合，必定繼續合作。出道多年嘅可頤緋聞不斷，更曾經指佢系同性戀，又恨嫁等做少奶奶等。但近年可頤已經接受自己一個人嘅精彩，佢而家更表示幾享受一個人嘅時候，因為可以做好多思考，更認識自己。
宣萱（48歲）
宣萱多年嚟一直有唔同嘅追求者，佢曾經因為工作關係而同富二代男朋友榮文瀚分手，對方雖然曾經求婚，但就一度要宣萱放棄藝人身份，做全職家庭主婦。因為宣萱事業心太重，所以一度拒絕嫁入豪門。而家嘅佢更表示已經決定唔生BB，將來嘅事一切隨緣，更加唔會為嫁而嫁，只要遇上啱性格嘅真愛，就算唔結婚最終陪大家共渡餘生已經好足夠。
鄭裕玲（61歲）
鄭裕玲（DoDo姐）貴為無線四大鎮台之寶，相信大家都知道佢嘅舊愛就系呂方。佢哋1992年開始相戀，一拍就拍咗16年，08年正式分開。對於61歲嘅佢原來一直都有種結婚嘅觀念:「今天我覺得生命中可能有許多決定是錯誤的，但到目前為止，有兩件事一定不會錯，就是不結婚和不生孩子。」單身，一樣可以好快樂。
陳法蓉（52歲）
1967年出世嘅陳法蓉，系一會美貌與智慧並重嘅80年代港姐，而最令人記得就系佢入行20年一直以短髮但唔俗氣嘅樣示人。佢前後曾經交往過5個男生，當中有為人熟悉嘅倪震、許晉、楊俊毅、富豪朱明等。雖然至今仍未結婚，但法蓉就認為「「真正嘅幸福唔系活成別人咁，而系能按照自己意願去生活。」
黎芷珊（52歲）
芷珊姐姐做兒童節目主持人出身，曾經相戀過嘅藝人都有唔少，例如梁家輝、鄭伊健、陳小春及張達倫等等。芷珊雖然而家仲未嫁人，但佢就好享受一個人生活，佢更覺得「自己開心、舒服是大前提，就算有人給壓力我也不會理，一個人便一個人。」
阮小儀（48歲）
小儀有一顆恨嫁嘅心，好多人問佢將來想做乜，佢都會好快答家庭主婦。而小儀更唔鐘意白馬王子，反而鐘意有須根嘅男士，會覺得有安全感。2009年同出版社高層男友黃志暉分手，至今雖然戀愛運麻麻，但系小儀就講自己身邊仲有好多單身朋友陪自己，其實一早已經放棄追求愛情，當愛情要來就會自然來臨，佢仍然抱著樂觀去等呢一份真愛。
楊思琦 （40歲）
曾經同李泳豪拍拖9年，2011年宣布分手嘅楊思琦，因為有指佢暗撻吳帥後懷孕。2012年更停工到美國生B，囡囡卓穎已經6歲。思琦身邊不乏追求者，不過思琦自己就認為自己獨立照顧卓穎咁長時間，對佢黎講其實更有意義。所以佢覺得，如果將來遇到真愛，只要囡囡接受就可以。
———————————
商務合作QQ:2063871309
劇迷QQ5群:133989729
最新最快最全:關注訂閱號tvbvideo，回復:2018
（長按下圖識別二維碼即可輕鬆關注）