《花遊記》究竟有乜咁好睇？去韓國有踩點攻略啦喂！

每段時期都總會有一出韓劇

係口碑好又多人追嘅

最近呢個榜單

應該有《花遊記》一份

今日可樂君偶爾發現

竟然有《花遊記》打卡攻略！

即時分享俾大家！

悟空同小善美約定嘅地方

係蘇萊濕地生態公園（소래습지생태공원）

呢個地方因為壯觀嘅景象

成為好多韓劇嘅拍攝地

一年四季都有唔同風味！

蘇萊生態濕地公園

時間: 10:00～18:00

地址:仁川廣域市南洞區論峴洞1-17

悟空同三藏嘅約會地點

就係N SEOUL TOWER首爾塔

呢個景點去過韓國嘅人可能會知

因為係一個好出名嘅觀光點來嘎

N SEOUL TOWER首爾塔

地址:首爾特別市龍山區南山公園街105

而劇中悟空成日去搵冬將軍嘅雪糕店

就係松島中央公園

呢個地方都係《鬼怪》嘅拍攝地之一

三胞胎大韓民國萬歲都成日來呢度玩！

松島中央公園

地址:仁川延壽區松島洞２４－５

講真，點解《花遊記》咁多人中意睇?

有網站就分析咗幾大看點

望落都幾有道理！

1 借鑒咗西遊記劇情

睇到劇中有三藏有悟空，就知道呢出戲係以《西遊記》劇情為中心，不過雖然人物設定類似，但係劇情就完全顛覆你想像！

2 有質量保證嘅編劇

唔使諗，就知道韓國最出名，有最多受歡迎劇集嘅編劇係邊個，就係大家熟悉嘅洪貞恩、洪美蘭，呢兩位知名嘅「洪氏姐妹花」編劇。據聞當初李昇基睇到劇本之後，即刻就應承出演。

3 大展魅力嘅悟空

作為李昇基退伍之後嘅首部作品，佢真係發揮得唔錯！睇起身冷血，但就對需要幫助嘅女主角展現惻隱之心，咁嘅人設可樂君好多女同事都已經淪陷咗！

4 演技保證嘅牛魔王

牛魔王嘅飾演者就係車勝元！車嬸嘅專屬浮誇演技真係百看不厭！而且喺劇中飾演嘅牛魔王角色都夠吸引，想要成仙而修行中嘅牛魔王，來到人間，成為選秀節目的招牌人物，呢種設定好抓眼球。

5 緊張又搞笑的劇情

《花遊記》入面嘅角色多數係妖怪，人類女主角可以見到鬼，所以經常會製造出驚悚嘅情景同可怕的氛圍。但係因為孫悟空、牛魔王、豬八戒3人各有特色，所以緊張之中又有搞笑成分！

就算喺播出初期

出現過tvN大型放送事故

都無影響到後來嘅高收視

就知道呢出戲真係有返咁上下

最近咁凍，米出街啦

反正都無人約，

匿喺屋企煲劇啦！

官方微信:可樂生活color(colorcolor818)

官方唯一商務合作QQ:1902182069