尋夢新聞LINE@每日推播熱門推薦文章,趣聞不漏接❤️
唔經唔覺,泳兒同髮型師男友Ziv已經拍拖8年,難得佢哋仲keep到咁sweet,唔怪得佢話隨時可以結婚啦!泳兒唱得唔使多講,近年多咗機會返內地登臺唱騷,6月先喺東莞舉行首個內地個唱,最近忙住為新歌《野木蘭》做宣傳。
年底佢仲會喺香港開演唱會,知道嚟緊會好忙,泳兒同Ziv都好爭取時間拖。兩個人約咗一大班朋友,入場前發現有啲肚餓,買咗漢堡包外賣,又唔可以拎入場食,點算呀?神奇外套!
泳兒好似多啦A夢上身咁,將披住嘅白色外套除低兼交畀Ziv,用外套遮住外賣袋偷運入場,咁咪得囉!明顯地Ziv係未做過呢啲事,睇佢雞手鴨腳咁,女友笑到爆曬咀,搞到Ziv都有啲老尷,睇佢硬曬軑就知佢好唔自在。好彩,最尾都順利過骨,可以邊睇戲邊開餐。
記得15年底,泳兒媽媽腦出血中風昏迷,嗰段時間,好彩有Ziv陪住佢一齊撐過去。泳兒講過,如果媽媽住私家醫院要幾百萬,佢畀唔起,住政府醫院都用咗幾十萬,沉重醫療費令佢更畀心機工作。
爸爸叫過佢唔好花咁多錢去醫,但泳兒話家人有事,一定要幫!結果,泳兒嘅孝心冇白費,因為媽咪醒番,安排咗佢住療養院,今年5月,佢細佬結婚,媽咪亦有出席。
[db:标题1]